HABARI ZA MOROGORO: Mvua za leta tena maafa Morogoro!

MVUA kubwa iliyoambatana na Upepo mkali, imeezua na kuangusha baadhi ya Mahema ya muda yanayotumiwa na Waathirika wa Mafuriko yaliyotokea katika eneo la Matepeni na Magole Wilayani Kilosa Mkoani Morogoro.

Mvua hiyo iliyonyesha juma lililopita, mwaka huu, imeezua mahema 200 kati ya mahema 400, yaliyojengwa na Chama Cha Msalaba Mwekundu Tanzania, kwa ajili ya kusaidia wakazi zaidi ya 900 wa eneo hilo.

Hata hivyo Wakazi hao, waliokubwa na mafuriko ambayo iliyotokea Januari 22, mwaka huu, bado wanaishi kwenye eneo ambalo limetengewa na Serikali kutokana na adha iliyowapata huku wakiendelea kusubiri hatima ya kupata misaada Zaidi kutoka Serikalini.

Kufuatia hali hiyo, Chama Cha Msalaba Mwekundu, kimesema kitajenga upya Mahema hayo ili kuhakikisha waathirika hao wanapata hifadhi.

Mwenyekitiwa Chama hicho hapa Nchini, Dr. George Nangale, amesema kuwa Chama hichokitatekeleza wajibu wake na kuhakikisha familia zote zinapata Makazi ya muda ambapoamewaomba wadau wengine waweze kujitokeza na kusaidia Wananchi hao.

Read More

MTIZAME BIBI WA MIAKA 100 AHITIMU ELIMU YA MSINGI!!!!!!!!!!!!

Bibi mmoja nchini Mexico amefanikiwa kuhitimu elimu ya shule ya msingi akiwa na umri wa miaka 100. Bibi huyo Manuela Hernandez (pichani) ambaye alizaliwa katika jimbo la Oaxaca mnamo mwezi Juni 1913, aliacha shule ya msingi baada ya kusoma kwa mwaka mmoja tu na kurejea kuisaidia familia yake masikini kufanya kazi za nyumbani. Hata hivyo alirejea shule kuendelea na masomo mwezi Oktoba mwaka uliopita akiwa na miaka 99 kufuatia kushauriwa na mmoja wa wajukuu zake.

Manuela Hernandez akiwa ameshikiliacheti chake cha kuhitimu elimu ya msingi.Hivi sasa tayari amekabidhiwa diplomayake ya elimu ya msingi katika shereheiliyofanyika katika jimbo Mexico Kusini.Bibi Hernandez amesema sasa ataendeleana masomo ya elimu ya sekondari.Zaidi ya nusu ya wakazi wa jimbo laOaxaca wenye umri wa zaidi ya miaka 15hawajamaliza elimu ya msingi.

Read More

WARIOBA AMCHANA LIVE PROF. SHIVJI

Mwenyekiti wa Tume ya Mabadiliko ya Katiba, Jaji Joseph Warioba akisisitiza jambo alipokuwa akizungumza na waandishi wa gazeti hili, nyumbani kwake jijini Dar es Salaam jana. Picha na Edwin Mjwahuzi.

DAR ES SALAAM. 
MJADALA wa Mabadiliko ya Katiba jana ulihamia nje ya Bunge wakati Jaji Joseph Warioba alipomchambua mhadhiri maarufu nchini, Profesa Issa Shivji akimueleza kuwa si mkweli bali mpotoshaji wa Rasimu ya Katiba.

Jaji Warioba, ambaye ni mwenyekiti wa Tume ya Mabadiliko ya Katiba, pia amemtuhumu Profesa Shivji kuwa ndiye mwanzilishi wa chokochoko za Zanzibar za kudai serikali tatu, jambo ambalo sasa analigeuka kutokana na kuona hali imekuwa mbaya.

Kauli ya Warioba imekuja baada ya Profesa Shivji kuichambua Rasimu ya Katiba jana asubuhi kwenye Kongamano la Vijana lililoandaliwa na Wizara ya Habari, Vijana, Utamaduni na Michezo lililokuwa na dhima ya Vijana Katika Kuimarisha na Kuendeleza Muungano Baada ya Miaka 50. Tamasha hilo lilifanyika kwenye hoteli ya Blue Pearl, Ubungo Plaza jijini Dar es salaam.

Akiwasilisha mada kwenye kongamano hilo, Profesa Shivji alisema katika kujadili Muungano, wananchi hawana budi kuzingatia mambo mawili ambayo ni nchi zinazozungumziwa kwenye Rasimu kuwa ni Zanzibar, Tanganyika au Tanzania, ambayo alisema haina mamlaka katika pande hizo mbili za Muungano.

Pia alisema suala la maadili kwa viongozi halina budi kuangalia kuwa linazungumzia maadili ya viongozi wa Zanzibar, Tanganyika au Tanzania na kwamba rasimu inazungumzia viongozi wa Tanzania ambao hawana mamlaka kwa Tanganyika na Zanzibar.

Katika majumuisho yake, Profesa Shivji, ambaye aliikosoa Rasimu kuwa haiwakilishi matakwa ya Watanzania kwa kuangalia sampuli zilizotumika, alisema kwamba wajumbe wa Tume ya Jaji Warioba walikuwa na nia njema.

Lakini Shivji akaenda mbali zaidi kwa kusema “the road to hell is paved in good intention,” akimaanisha kuwa njia ya kuzimu imetengenezwa kwa nia njema.

Akijibu hoja hizo, Jaji Warioba alisema Profesa Shivji amegeuka maandishi yake yaliyokuwa yanachochea utaifa wa Zanzibar na sasa anaona Tanganyika ndiyo hatari kwa Muungano.

“Shivji ni msomi na mimi najua anaelewa matumizi ya takwimu,” alisema Jaji Warioba, ambaye aliwahi kuwa Waziri Mkuu na Mwanasheria Mkuu wa Serikali, wakati alipozungumza na gazeti hili nyumbani kwake jana jioni.

“Nasema hapa, Shivji akiwa msomi, amekuwa intellectually dishonest (si mkweli kiusomi). Anapotosha kwa makusudi.”

Jaji warioba alisema Shivji ndiye amekuwa chanzo cha uchochezi wa kitaifa Zanzibar kupitia maandishi yake. Alisema waliokuwa wanadai serikali tatu kwa muda mrefu walikuwa wananchi wa Zanzibar.

“Shivji alikuwa anasema Tanganyika imejificha kwenye Muungano ili inufaike. Kwa hiyo anasema Tanganyika iwe wazi isijifiche,” alisema Jaji Warioba.

Read More

HABARI ZA ARUSHA: MANGARIBA 150 WASALIMISHA ZANA ZAO KWA SERIKALI

ZAIDI ya Mangariba 150 katika maeneo mbalimbali Mkoani Arusha, waliokuwa wanaendesha shughuli za ukeketaji wamekabidhi zana zao za kazi na kuapa kutokurudia shughuli hiyo.

Zana hizo zimekabidhiwa kwa Viongozi mbalimbali wa Serikali katika kipindi cha miaka sita kuanzia 2008, katika Wilaya za Monduli, Arumeru na Ngorongoro, baada ya kuelimishwa kuhusu madhara wanayoyapata watoto wa kike pindi wanapokeketwa.

 

Mkurugenzi wa asasi ya kiraia inayojishughulisha na masuala ya afya ya uzazi salama, Mecrin Manyika, amesema kuwa katika kampeni za kuzuia ukeketeji, shirika lake kwa kuwashirikisha mangariba hao na wakunga wa jadi waastaafu, kwa pamoja wamebuni mradi wa ufugaji wa kondoo, kwa lengo la kuwapatia kipato mbadala wanaokubali kukabidhi zana wanazotumia.

Amesema kupitia mradi huo, asasi hiyo inadhamiria kuwa mangariba walioacha kazi hiyo, wataweza kuzalisha na kuuza Kondoo hao na kupata kipato halali kwa ajili ya kuendeshea maisha yao, tofati na fedha walizokuwa wanajipata kwa njia hiyo.

Mila na desturi

Miongoni mwa changamoto inayokabili jamii mbalimbali Nchini ni pamoja na tatizo la mila na desturi ambalo bado ni kandamizi, huku matukio ya wanawake kubakwa, kupigwa, likiwa bado ni tishio huku Sheria ikishindwa kuchukua mkondo wake.

Machi 8 ya kila mwaka dunia inasherekea sikukuu ya Wanawake, ambayo huadhimishwa kwa lengo la kupinga vitendo viovu wanavyotendewa wananwake, ambapo kauli mbiu ya mwaka huu ilikuwa ‘Chochea Mabadiliko, Kuleta Usawa wa Kijinsia’ lakini kukiwa na tatizo hilo bado miongoni mwa jamii.

Wakati dunia ikiwaimeadhimisha sherehe hizo, bado kuna changamoto nyingi ambazo zinaikabili jamiihususani ya Afrika, katika kulinda haki za Wanawake, kudidimizwa, nakukandamizwa.

Read More

BREAKING NEWS: MKUU WA MKOA WA MARA GABRIEL TUPA AFARIKI DUNIA GHAFLA

BREAKING NEWS: MKUU wa mkoa wa Mara Bw John Gabriel Tuppa, amefariki dunia ghafla jana majira ya saa 4.30 asubuhi baada ya kuugua kwa muda mfupi ugonjwa wa shinikizo la damu akiwa wilaya ya Tarime mkoani Mara.Katibu tawala wa mkoa wa Mara Bw Benedict Ole Kuyan, amesema kuwa Bw. Tuppa kabla ya kifo chake jana asubuhi akiwa na afya njema alifika katika ofisi ya za mkoa na kumuaga kuwa anakwenda kufunga mafunzo ya mgambo katika kijiji cha Nyamwaga wilayani Tarime.Amesema kuwa muda mfupi baada ya kufika katika ofisi ya mkuu wa wilaya, alipatwa na tatizo la ugonjwa huo na muda mfupi alikimbizwa hospitali ya Tarime lakini alifariki wakati akipatiwa matibabu.Katibu tawala huyo amesema mwili wa marehemu unasafarishwa kutoka Tarime kuja hospitali ya Musoma kwa ajili ya kuhifadhiwa wakati taratibu nyingine na maelekezo ya kiserikali yakisubiriwa kutolewa.

Read More

RAIS KIKWETE AMEAHIRISHA ZIARA YAKE MKOANI TANGA

RAIS wa Jamhuri ya Muungano wa Tanzania Dk Jakaya Kikwete, amelazimika kuahirisha Ziara yake huko Mkoani Tanga, kutokana na sababu za kiutendaji.

Akizungumzia kuahirishwa kwa Ziara hiyo, Mkuu wa Mkoa wa Tanga Chuku Galawa, amesema Rais amelazimika kuahirisha ziara yake juzi Machi 24, mwaka huu, ambapo ataendelea nayo tena leo, ambapo amesema ujio wake umesababisha Wananchi kupata majibu ya kero zilizokuwa zinawasumbua ikiwemo kero ya upatikanaji wa Maji ya Uhakika.

Aidha amesema Rais Kikwete pamoja na mambo mengine ameongea na Wananchi wa Mombo katika Mkutano wa hadhara ambapo baada ya kumaliza shughuli hiyo alilazimika kuahirisha ziara katika Mkoa huo kutokana na mambo ya utendaji wa Kazi ambapo ataenda nje ya Nchi, lakini kesho atanza tena ziara katika Wilaya ya Muheza na Wilaya ya Tanga.

“Ameweza kutembelea Kata ya Makuyuni ambapo kuna maabara, inayojengwa kwa nguvu za Wananchi ambayo Rais Kikwete ameridhishwa na Ujenzi huo, na pia ameembelea Wakulima Wadogo Wadogo wa Kilimo cha Mkonge ambao wamejiunga kwenye Ushirika wao ili kujikwamua kuiuchumi” alisema Galawa.

Hata hivyo amesema ujio wa Rais umewafurahisha Wananchi wa Mkoa huo, kwani miradi atakayoitembelea ataisifia na pengine kutoa maelekezo ya namna ya kuboresha utendaji kazi.

Alisema alipokuwa Mombo alizungumza na Wakazi wa eneo hilo, kuhusu Kero ya maji yanayotegemewa na Wakazi hao kwa ajili ya Kilimo cha Umwagiliaji.

“Pia Wananchi wa Kata ya Mombo wamemweleza hitaji lao la kutaka kupandishwa hadhi kwa Mji Mdogo, kuwa Halmashauri na suala la Afya ambapo Mheshimiwa Rais ameahidi kuyashughulikia haraka iwezeka navyo” alisema Galawa

Chiku hakusema kuwa sababu ya Rais kuahirisha ziara hiyo ninini lakini Rai mwenyewe aliwaambia Wananchi kuwa amepata Dharura ya kutafutwa na Majirani zake wa karibu wanaoshirikiana nao kwa kikazi.

Mkoa wa Tanga una Wilaya Nane ambazo ni Wilaya ya Handeni, Korogwe,Lushoto, Muheza, Pangani, Tanga mjini, Muheza, na Tanga ambapo  kwa awamu ya Kwanza atatembelea Wilaya Nne na tayari amemaliza Wilaya mbili na kesho kutwa atamalizia  ziara yake ambapo amesema zitakazokuwa zimebaki atazitembelea Mwezi Aprili mwaka huu.

Read More

EXCLUSSIVE!!!!!! HUYU HAPA YULE MTOTO ALIYEOTA NYAMA ZA AJABU MWILINI KAMA PEMBE..... maombi yako ni muhimu

HAKIKA UKIFANYA HIVI MUNGU ATAKUBARIKI KUWA NA HURUMA

LAZIMA utokwe machozi! Grace John mkazi wa Mzumbe, Mvomero mkoani Morogoro yupo kwenye wakati mgumu kutokana

na maradhi ya ajabu yanayomsumbua mwanaye Honolina Christian Mkude (11).

 

Honolina Christian Mkude (11) anayesumbuliwa na ugonjwa wa kuota nyama.

Honolina anasumbuliwa na ugonjwa wa kuota nyama sehemu za mwili wake zinazofanana na pembe za mnyama, ugonjwa ambao unamtesa tangu kuzaliwa kwake.

ILIKUWAJE?

Akisimulia kisa kizima, mama mzazi wa Honolina, Bi. Grace, anasema tangu amemzaa mwanaye huyo ni mitihani baada ya mitihani.

 

Wasamaria wema wakimpatia misaada mama Honolina.

Mazungumzo hayo yalifanyika hivi karibuni katika kituo cha mabasi ya mikoani, Msamvu, mjini hapa wakati mama huyo na mwanaye wakihangaikia kuchangisha fedha za usafiri wa kwenda Moshi kutafuta tiba zaidi katika Hospitali ya Kilimanjaro Christian Medical Centre (KCMC).

“Ndugu mwandishi, kwa kweli sijui hatima ya mwanangu. Nilimzaa akiwa ameota nywele sehemu zote za mwili wake, hadi usoni. Mimi na mume wangu tulishangaa, lakini tuliendelea na matibabu katika hospitali mbalimbali maana baadaye alianza kupatwa na uvimbe.

Mtoto Honolina akipata kinywaji.

MTIHANI MWINGINE

“Jamani ndugu yangu... Mungu ana mitihani yake. Mume wangu (Christian Mkude) ambaye ndiye alikuwa tegemeo pekee kwetu, alifariki mwaka 2007 kwa ajali ya gari, wakati akisaka fedha za  matibabu ya mwanetu.

“Kifo chake, kwangu kimekuwa pigo mujalabu. Sina pa kukimbilia na hivi juzi tu tulikuwa tumelazwa Hospitali ya Mkoa (Morogoro) na hapo tumepewa barua ya kwenda KCMC kwa matibabu zaidi.

 

Mama Honolina akipokea msaada kutoka kwa msamaria.

“Hivi unavyoniona nachangisha fedha ili nipate angalau nauli za kutufikisha kwanza hospitalini.  Nimechanganyikiwa kabisa,” alisema Bi. Grace kwa majonzi na kuongeza:

“Wakati tatizo la mwanangu linaanza sikutegemea kama siku moja angekuja kuwa hivi. Zilianza kuota nywele mwili mzima, baadaye vidonda vikaanza kumtoka na sasa hali imebadilika na kuota nyama hizi kubwa kama mapembe kama unavyoona.”

Mtoto Honolina (kulia) alipoanza kuugua.

SAUTI YA BI. GRACE KUTOKA MOSHI

Misaada ya fedha kidogo alizopata kwa wasamaria wema waliomuona Msamvu, ulimsaidia mama huyo kusafiri hadi Moshi na kufika katika Hospitali ya KCMC.

Akizungumza kwa njia ya simu kutoka Moshi, Bi. Grace alisema: “Nawashukuru waliniosaidia, tumefika salama na mwanangu hapa KCMC, ndiyo tumeanza taratibu za matibabu.”

BADO ANAHITAJI MSAADA

“Madaktari wametupa moyo, wamesema watajaribu kumsaidia mwanangu. Watamtoa hizo nyama ila kwa sababu kutabaki na mashimo lazima wapandikize nyama nyingine.

“Tumeshakubaliana kuwa mimi ndiye nitakayekatwa sehemu ya nyama kutoka kwenye makalio yangu kwa ajili ya kumsaidia mwanangu,” alisema Bi. Grace, kilio kikisikika kwenye simu.

Wananchi wakimtazama Honolina kwa huruma.

Akaongeza: “Wameshachukua nyama za mwanangu na kwenda kupima na baadaye watachukua zangu ili kuona kama zinaendana, upasuaji ufanyike. Gharama kwa ajili ya matibabu hayo wamesema ni shilingi 400,000 na mimi sina uwezo.

“Watanzania wenzangu, naombeni mnisaidie ili niweze kuondokana na hili tatizo. Mimi ni mjane na sina kazi ya kueleweka, napigania uhai wa mwanangu. Naombeni msaada wenu,” alisema.

SHIRIKI BARAKA

Kumsaidia mhitaji wa kweli huongeza baraka katika kipato, vitabu vitakatifu vinaeleza wazi. Ndugu wasomaji wetu wapenzi, kwa yeyote atakayeguswa na mateso ya familia hii, anaweza kumsaidia chochote mama huyo kupitia simu zake namba 0719 749542(Tigopesa) na 0762 425973 (M - pesa).

Read More

FAO kuzuia kutokea maafa ya chakula CAR

Shirika la Chakula na Kilimo la Umoja wa Mataifa FAO limetangaza kuwa, litachukua hatua za kuhakikisha kwamba, linazuia kutokea maafa ya chakula katika Jamhuri ya Afrika ya Kati kutokana na mauaji yanayoendelea kufanywa na kundi la Kikristo la Anti-Balaka dhidi ya Waislamu.
 Shirika hilo limeatangaza kuwa, linapanga kuanzisha mpango wa ustawi wa kilimo, kudhamini chakula kinachofaa kwa wote, kupambana na lishe duni na kuboresha chakula cha watu katika Jamhuri ya Afrika ya Kati na maeneo mengine duniani. 
Tayari FAO imetiliana saini na serikali ya muda ya Bangui, mpango wenye thamani ya dola milioni nane. Wakati huo huo, mashirika mbalimbali yasiyo ya kiserikali yameendelea kutahadharisha kuhusiana na hali mbaya ya kibinadamu inayowakabili wananchi wa Jamhuri ya Afrika ya Kati hususan Waislamu. Mamia ya Waislamu wameuawa na maelfu ya wengine kujeruhiwa katika mashambulizi yanayoendelea kufanywa na wanamgambo wa Kikristo wa Anti Balaka katika Jamhuri ya Afrika ya Kati.

SOURCE: PRINCEMEDIA TZ BLOG

Read More

Watu 529 wahukumiwa Kifo Misri!

MOHAMEDI MORSI

Mahakama Nchini Misri imewahukumu kifo Watu 529 ambao ni Wafuasi wa Rais aliyeng'olewa Madarakani, Mohammed Morsi, leo Machi 24, wakiwa wanakabiliwa na Mashitika mbali mbali yakiwemo Mauaji ya Kuua Polisi.

Aidha Wafuasi hao ambao ni Wanachama wa Chama kilichopigwa marufuku, cha Muslim Brotherhood, ni sehemu ya kundi lengine kubwa la watu zaidi ya 1,200 wanaoaminika kuwa Wafuasi wa Morsi.

Mgogoro wa Kisiasa unazidi kuongezeka siku hadi siku Nchini Misri, ambapo Maafisa wa Utawala Nchini humo wamekuwa wakiendesha msako mkubwa dhidi ya wafuasi na kusababisha vuguvugu hilo kuchukua nafasi yake, tangu Morsi kuondolewa Madarakani mwezi Julai mwaka jana, ambapo Vikosi vya usalama vimekuwa vikiwaua Mamia ya Wanachama wa Chama cha Brotherhood katika Mitaa, na kukamatwa kwa maelfu ya Watu wengine wakiuawa.

Mahakama hiyo imetoa Hukumu hiyo, baada ya vikao viwili kufanyika ambapo Mawakili wa Watuhumiwa walilalamikia kitendo cha kutopewa muda wa kuwasilisha Kesi yao kama walivyokuwa wamekusudia.

Hata hivyo Mauaji wanayodaiwa kufanywa Wafuasihao yalitokea Kusini mwa Misri, mwezi Agosti mwaka jana, baada ya Vikosi vyaUsalama kuvunja Kambi mbili za Wafuasi wa Morsi waliokuwa wanataka arejeshwe Madarakanijambo ambalo halikufanikiwa.

 

SOURCE: PRINCEMEDIA TZ BLOG

Read More

WAPINZANI WAIPINGA HOTUBA YA RAIS KIKWETE

Wenyeviti wa vyama vya upinzani nchini, kutoka kushoto ni James Mbatia (NCCR-Mageuzi), Freeman Mbowe (Chadema) na Profesa Ibrahim Lipumba (CUF).

Dodoma.
Wenyeviti wa vyama vya Upinzani vya Chadema, Chama cha Wananchi (CUF) na Chama cha NCCR-Mageuzi, jana usiku walikutana ili kutoa kauli ya pamoja, kutokana na hotuba ya ufunguzi wa Bunge kwa maelezo kuwa tayari Rais amevuruga mchakato mzima wa kupata Katiba Mpya.

Wakati viongozi hao wakikutana, Mwenyekiti wa Chama cha DP Mchungaji, Christopher Mtikila alisema, Rais ameingilia mchakato na kutoa maelezo jinsi ya kuandika Katiba.

Wakizungumza na gazeti hili jana mara baada ya hotuba hiyo, Freeman Mbowe, James Mbatia na Profesa Ibrahim Lipumba, walisema wameipokea kwa masikitiko makubwa hotuba hiyo.

“Tunakwenda kujadili hotuba ya Rais na tutatoa msimamo wetu,” alisema Mbowe.

Awali Katibu wa muda wa Umoja wa Katiba ya Wananchi (Ukawa), Julius Mtatiro alisema Rais Jakaya Kikwete amevuruga mchakato wa Katiba, kwani walitarajia angetumia mamlaka yake kama Rais kuwaunganisha.

“Rais tulitarajia angeongea kama mkuu wa nchi, lakini amezungumza kama Mwenyekiti wa CCM na kutoa msimamo juu ya muundo wa Muungano jambo ambalo hatukulitegemea,” alisema Mtatiro.Alisema kwa Rais kutoa msimamo ni sawa na mwongozo jambo ambalo limevuruga mchakato mzima.Hofu ya kuvunjika BungeWakizungumza nje ya Bunge, baadhi ya wajumbe wameeleza kuwa hotuba ya Rais Kikwete kama ikitekelezwa uwezekano wa kupata Katiba Mpya utakuwa mgumu.Mjumbe Luhaga Mpina alisema kwa jinsi rasimu ilivyoandikiwa na kama muundo wa serikali mbili ukipita basi rasimu ya Katiba itabidi iandikwe upya.“Rasimu yote imetengenezwa kwa mfumo wa serikali tatu sasa hapa kuna hatari ya Bunge kukwama ,” alisema.Mtatiro kwa upande wake alisema sasa kuna hofu ya kushindwa kupatikana Katiba Mpya kwani Rais amewachanganya wajumbe na kama watapitisha maoni yake itabidi rasimu kuandikwa upya.Mjumbe Mustapha Akoonay, alisema upatikanaji wa katiba upo shakani kwani sasa upinzani utakuwa mkubwa juu ya muundo wa muungano.“Kwa sasa nadhani itabidi turudi upya kwa wananchi kupata kura ya maoni juu ya muundo wa muungano,” alisema.Lucy Owenya alisema Rais amegeuza mkutano wa Bunge kuwa ni mkutano wa Chama Cha Mapinduzi, kwani ameshindwa kabisa kutoa mwelekeo wa nchi na badala yake ametoa msimamo wa CCM.“Kutokana na hili, naamini kabisa Bunge halitakuwapo na ni bora iwe hivyo kwa kuwa amejibu hotuba ya Warioba na kwa maana hiyo amepingana na mawazo ya wananchi.”Godbles Lema alisema kuwa Rais hakuja kuhutubia taifa bali alikuja kufanya semina na kujibu hotuba ya Warioba.Mjumbe huyo ambaye ni mbunge wa Arusha Mjini alionyesha shaka kuwa baada ya muda wa wiki tatu hakutakuwa na Bunge la Katiba kwa kuwa wako baadhi ya watu ambao hawatakubali kilichofanywa na Rais Kikwete.“Waliochukua fedha ni vyema wakaenda kumalizia nyumba zao kwa kuwa kiongozi wetu amefanikiwa kwa kiasi kikubwa kuwafurahisha wanaCCM lakini kwa Watanzania hatutakubali,” alisema Lema.John Cheyo alisema, “Mimi ninachokiona ni maridhiano tu, suala la kufumua rasimu halinipi shida kwa kuwa vitu vyote vinavyoletwa bungeni huwa ni mali ya Bunge na hivyo tutafanya tunavyoona sisi inafaa.”Mchungaji Peter Msigwa, alisema kuwa kosa kubwa ambalo lilifanywa na upinzani ni kukubali na kuruhusu Jaji Warioba atangulie kuwasilisha rasimu yake akasema hilo ndilo lililowagharimu.Alitaka Bunge livunjwe mara moja ili warudi kwa wananchi wakaamue na kuwahukumu kutokana na kile ambacho walikifanya katika Bunge ambalo kwa maoni yake wamekula fedha za walipa kodi bure.Naye Waziri Mkuu Mstaafu, Edward Lowassa aliipongeza hutuba ya Rais Jakaya Kikwete ya uzinduzi wa Bunge la Katiba.Lowassa ambaye pia ni Mjumbe wa Bunge la Katiba, alisema kwa kifupi hotuba ya Rais Kikwete ni nzuri. Lowassa alitoa kauli hiyo, wakati akitoka nje ya Bunge, muda mfupi baada ya Rais Jakaya Kikwete kumaliza hotuba ya uzinduzi wa Bunge hilo.Naye Mjumbe wa Bunge Maalumu la Katiba, Mchungaji Ernest Kadiva, alisema hotuba ya Rais imetoa mwanga kwa wajumbe.“Rais ameonyesha upungufu wa hoja mbalimbali hasa katika mfumo wa serikali tatu na sasa ameacha kazi ya kuamua tuwe na mfumo wa serikali mbili au tatu ni ya wajumbe,” alisema Mchungaji Kadiva.Hata hivyo, mjumbe mmoja ambaye hakupenda kutaja jina lake alisema Rais alizungumza kama si mkuu wa nchi bali Mwenyekiti wa CCM kwa sababu amesimamia hoja za chama chake.Alisema hata kama mapendekezo ya Rais Kikwete yatatekelezwa, kamwe hayatakuwa mwarobaini wa muungano. Mbunge wa Mwibara, Khangi Lugora alisema hotuba hiyo waliitarajia na ndio maana kulikuwa na ubishi wa nani atangulie kati ya Jaji Joseph Warioba na yeye kwa mujibu wa kanuni.“Hotuba ilikuwa ikijaribu kumjibu Jaji Warioba na kwangu mimi nilikuwa naona kuwa Rais naye alikuwa anachangia katika kuitunga Katiba kwa kupitia hotuba yake hiyo. Tumeyasikia na sisi tutakwenda kutafakari katika kutunga Katiba ambayo itakuwa ya Watanzania wote,” alisema.Kwa upande wake Mbunge wa Viti Maalumu (Chadema) Mkiwa Kimwanga, alisema kilichofanyika ni Rais kwenda kutoa uamuzi juu ya mchakato uliokuwa ufanywe na Bunge hilo.Kwa upande wake, Profesa Ibrahim Lipumba, alisema hakuitendea haki Tume ya Mabadiliko ya Katiba na kwamba Bunge hilo haliwezi kutengeneza Katiba ambayo inalenga katika mfumo wa serikali la mbili.“Itakuwa ni vigumu zaidi kupata Katiba Mpya, alikuwa anapinga mambo ya msingi yaliyoelezwa katika rasimu ya kwanza. Hayo angeyaeleza katika hatua ya awali ili rasimu hiyo ibadilishwe na si katika hatua hii ya mwisho kabla ya kwenda kupigiwa kura na wananchi,” alisema.Alisema ndani ya siku 70 haiwezekani kubadili rasimu hiyo ambayo imejikita katika muundo wa serikali tatu kwenda katika muundo wa serikali mbili.Ezekiah Olouch alitahadharisha wajumbe wenzake kutodharau maoni ya wananchi waliyoyatoa katika rasimu hiyo ya pili.Alisema haiwezekani tume zote ambazo zimeundwa kuangalia aina ya muundo wa serikali zije na jibu moja kuwa namna ya kuimarisha muungano ni kuwapo kwa serikali tatu.Jussa Ismail Ladu alisema kwa ufupi kwamba hotuba ya Rais Kikwete imekuwa yenye sura ya CCM zaidi.Naye Mbunge wa Lulindi, Jerome Bwanausi, aliielezea hotuba ya Rais kuwa imeibua mambo mengi ambayo baadhi ya watu walikuwa wakiyaelewa tofauti, hivyo imeweka uelewa mzuri katika baadhi ya maeneo.Profesa Costa Mahalu alisema ni hotuba ambayo imewaachia changamoto, hasa katika eneo la muungano kwa sababu wanahitajika kuunda muungano usiotetereka

Read More

PADRI AKUTA TUNGULI KABURINI KWA NGWEA

• Ooo…Nooo! Wakati hati ya kifo cha aliyekuwa rapa bora Bongo, marehemu Albert Keneth Mangweha ‘Ngwea’, ikiendelea kushikiliwa nchini Afrika Kusini alikokutwa na umauti mwaka jana, kwenye kaburi lake kumekutwa tunguli zilizozungushiwa sanda

Padri wa Kanisa Katoliki Parokia ya Mtakatifu Monica, Kihonda mkoani Morogoro, Octavian Msimbe akionyesha tunguli zilizozungushiwa sanda zilizokutwa kaburini kwa marehemu Ngwea.

Tunguli hizo zilikutwa Ijumaa ya wiki iliyopita na Padri wa Kanisa Katoliki Parokia ya Mtakatifu Monica, Kihonda mkoani Morogoro, Octavian Msimbe ambapo ziliibua hofu miongoni mwa waumini wa kanisa hilo lililopo katika eneo hilo la makaburi.

Marehemu Albert Keneth Mangweha ‘Ngwea’.

PADRI AKEMEAAwali, ilielezwa kuwa siku hiyo padri huyo alioteshwa ndoto usiku juu ya uwepo wa vitu vya ajabu katika makaburi hayo ndipo akakemea kabla ya kwenda kuvishuhudia asubuhi yake (Ijumaa iliyopita)

 

NA PRINCEMEDIA BLOG 

Read More

Mwanafunzi wa chekechea wa miaka 6 alawitiwa Iringa,mmoja akamatwa na misokoto wa bhangi

Watu  wawili wanashikiliwa na jeshi la polisi mkoani iringa kwa matukio tofauti na mmoja anatafutwa kwa tuhuma za kumlawiti mtoto wa chekechea.

Akithibitisha kutokea kwa matukio hayo kaimu kamanda wa polisi mkoani iringa  bw.Wankyo Nyigesa amesema mwanafunzi wa miaka 6 anaesoma darasa la awali amelawitiwa na mtu ambaye hakufahamika jina lake kwa haraka na kumsababishia maumivu makali katika tarafa ya isimani mkoani hapa,huku chanzo cha tukio hilo kikiwa ni tamaa za mwili.

Katika tukio lingine  Abuu Kinyika (28)  mkazi wa kijiji  cha Ruaha Mbuyuni kata ya mahenge wilaya ya Kilolo anashikiliwa na jeshi la polisi  baada ya kukutwa na misokoto kumi ya bhangi na askari  polisi waliokuwa  doria

Wakati huo huo askari polisi wakiwa doria  katika kijiji cha Ruaha Mbuyuni, wilaya yaKilolo askari wamewakamata Waethiopia kumi wakiwa wameingi  nchini bilakibali na taratibu za kisheria zinafanyika dhidi yao.

source:PRINCEMEDIA TZ BLOG

Read More

Utelekezaji wa watoto Iringa jamii yaaswa kutoa malalamiko kwa wahusika

Afisa ustawi wa jamii manispaa ya Iringa ametoa ushauri kwa jamii kutoa malalamiko yao katika ngazi za kata au manispaa iwapo mzazi wa kike au wa kiume amemtelekeza mtoto.

Akiongea ofisini kwake  afisa ustawi wa jamii Bi. JOSEPHINE MWAIPOPO  amesema mtoto ni jukumu la wazazi wote wawili  kumlea na ikitokea hatunzwi na mzazi hata mmoja ni kosa japo imezoeleka kuwa mwanamke ndio anastahili kutoa malalamiko pekee katika ofisi ya kata.              

Aidha amesema iwapo ofisi ya kata wameshindwa kufikamuafaka basi malalamiko yafikishwe kwenye ofisi za ustawi wa jamii na itakuwakesi ya rufaa ndipo wao  watawaita wazaziwote wawili yaani mlalamikaji na mlalamikiwa na kuwasikliza wote kwa pamoja na ikitokea mwanaume ana makosa basiatalazimika kuanza kutoa huduma ya msingi kwa mtoto.

SOURCE: PRINCEMEDIA TZ BLOG

Read More

ANC:Rais Jacob Zuma hatajiuzulu ng'o

Nyumba ya kifahari ya Jacob Zuma

Chama tawala nchini Afrika ANC kimetoa kauli yake kuhusu tuhuma za utumizi mbaya wa pesa za Umma dhidi ya Rais Jacob Zuma.

Katibu mkuu wa chama hicho, Gwede Mantashe, amesema kuwa afisa yeyote aliyehusishwa na makosa yoyote, lazima akabiliwe na sheria.
Lakini amepuuzilia mbali wito wa Rais Zuma kuondolewa mamlakani kwa kura ya wabunge au hata kujizulu.
Hapo jana mdhibiti wa mali ya umma,Thuli Madonsela, alisema kuwa Zuma alitumia sehemu za pesa za umma zilizotengewa ukarabati wa nyumba yake kwa mambo yake binafsi.
Thuli Madonsela, aliamuru Rais Zuma kulipa pesa za ziada alizotumia za umma kukarabati nyumba yake ya kifahari, akisema kuwa alijinufaisha na pesa za umma kwa njia isiyofaa.
Ukarabati huo, ulijumuisha bwawa la kuogelea, kliniki binafsi na eneo la helikopta kuweza kutua.
Chama hicho kimesema kuwa ripoti hiyo imetolewa wakati usiofaa nchi hiyo ikijiandaa kwa uchaguzi mkuu mwezi Mei.

Read More

Simiyu yakabiliwa na Njaa kali!!!!!!!!!!!!!

ZAIDI ya Watu lakini tano (500, 000) Mkoni Simiyu, wanakabiliwa na Njaa kutokana na kutopata Mvua, hali inayofanya Mazao yao kukauka kwa sababu ya jua.

Mkuu wa Mkoa wa Simiyu Paschal Mabiti ametoa agizo hilo Machi 18, mwaka huu ambapo amewataka Wananchi wa Mkoa huo, wasiuze Chakula kidogo walichopata kwani hivi sasa hali ni mbaya huku akiwaagiza Viongozi wa Wilaya kuhakikisha kuwa wanadhibiti uuzwaji wa Chakula kwa baadhi ya Wananchi wa maeneo husika.

Wakielezea hali ya Chakula katika Kata zao, baadhi ya Madiwani wa Mkoa huo wamesema hali ya Chakula katika Kata zao ni mbaya kutokana na Ukame unaosababishwa na hali ya mabadiliko ya tabia ya Nchi.

Kufuatia hali hiyo Mkuu wa Mkoa amewaagiza Wananchi wa Mkoa huo, kulima Mazao yanayostahimili Ukame, kama Mtama, Viazi Vitamu na Kunde ili kuendana na Hali ya Hewa.

Read More